Dy persona kanë humbur jetën dhe të paktën 20 të tjerë janë plagosur nga një breshëri plumbash në një klub në Florida të SHBA-së.
Një turmë njerëzish ishin mbledhur për një koncert në vendin ku ndodhi ngjarja.
Tre persona kanë mbërritur me një automjet dhe kanë hapur zjarr, raporton CNN duke cituar drejtorin e policisë së Miami-Dade.
Ai është shprehur se autorët kanë qëlluar pa bërë dallime mes njerëzve. Më pas ata janë larguar ndërkohë që policia nuk ka përcaktuar ende motivin e kësaj ngjarjeje të rëndë.
