Dënohet me 14 vite burg Arbër Cekaj

Arbër Cekaj u dënua më 14 vite burg nga Gjykata e Krimeve të Rënda të Apelit, të premten. Ndërsa, Donaldo Lushajn dhe Armando Pezakun u dënuan me 10.8 vite burg dhe 8.8 vite. Çekaj, gjatë seancave gjyqësore ka akuzuar një klan të caktuar që po përpiqet të përfshijë familjen e tij në trafik.Policia ka arrestuar edhe babain e Arbër cekajt, Selim Cekaj për transportin e 49 kilogramë kokainë me kontenierin e bananeve, në Maminas. Në Gjykatën e Posaçme të Apelit, Arbër Çekaj ka thënë se po i masakrohet e gjithë familja:

“Po masakrohet gjithe familja ime. Babai im eshte 72 vjec, profesor i nderuar. Arrestuat babain e kulakut! Edhe brenda familjes nuk po na trajtojnë njëlloj. Mua ma çuan kontenierin në magazinë në Maminas, ndërsa babait ia hapën në port. Kjo tregon që është një klan i caktuar që kërkon të përfshijë familjen tonë në trafik”.

Arbër Çekaj u arrestua për transportin e 613 kilogramë kokainë nga ekuadori në Gjermani më 4 maj të 2018-ës.