Takimi i radhës në kuadër të dialogut Kosovë -Serbi pritet të zhvillohet javën që vjen, në 6-7 korrik.
Lajmi u konfirmua nga korrispondenti në Bruksel i Radio Evropa e Lirë, që ka folur me burime brenda BE-së.
Ende nuk dihen se cilat do të jenë temat që do të trajtohen, por mendohet se do të flitet mbi marrëveshjet e arritura deri me tash gjatë dialogut.
Delegacioni i Kosovës do të udhëhiqet nga zëvendëskryeministri, Besnik Bislimi, ndërsa ai i Serbisë nga drejtori i Zyrës për Kosovën në Qeverinë e Serbisë, Petar Petkoviq.
Ky takim pritet të shtrojë rrugën për një tjetër takim të nivelit të lartë, mes udhëheqësve të vendeve.
Kryeministri kosovat Albin Kurti dhe presindeti serb Aleksandar Vuçiç u takuan me ndërmjetësimin e BE-së në 15 qershor.
Ato parashtruan pretendimet e tyre, ku Kurti kërkoi nënshkrimin e një pmarrëveshje paqeje, duke marr garanci për mossulmim nga Serbia, ndërsa kjo e fundit përmendi krijimin e Associacionit të Komunave Serbe.
Të dyja palët nuk lëvizën nga qëndrimet vetjake.
