Calavera: BE drejt përfundimit të kornizës së hapjes së negociatave me Shqipërinë

Shefja e ONM-së Genoveva Ruiz Calavera deklaroi sot se Bashkimi Europian është drejt përfundimit të kornizës ligjore, sipas së cilës do të nisin negociatat me Shqipërinë dhe Maqedoninë e Veriut. Në një postim në Twitter, Calavera, e cila është dhe drejtoresha për Ballkanin Perëndimor për Politikat e Fqinjësisë Evropiane dhe Negociatat e Zgjerimit, u shpreh:

“[…]ne jemi duke punuar në detajet e fundit të këtyre dokumenteve të rëndësishme që përcaktojnë kornizën në të cilën do të zhvillohen negociatat për  Shqipërinë dhe Maqedoninë e veriut në procesin e Integrimit në Bashkimin Europian.”

Dje, Komisioneri për Zgjerimin e BE, Oliver Varhelyi theksoi nevojën për të përfunduar sa më parë Reformën Zgjedhore si kusht kryesor për të ecur para me integrimin europian.