Sot, Kryetari i Partisë Demokratike Lulzim Basha deklaroi se ka rezerva për miratimin e draftit të Byrosë Kombëtare të Hetimit, të miratuar nga qeveria.
Në një konferencë për shtyp ai deklaroi se:
“Pika që na ndan është dakordësimi që ky institucion duhet të jetë 100% nën autoritetin e Prokurorisë, siç e parashikon Kushtetuta, siç parashikon Komisioni i Venecias, siç kemi rakorduar me partnerët tanë amerikanë.”
“ Varianti që është publikuar nuk është varianti i dakordësuar me ndërmjetësimin e partnerëve amerikanëve dhe Komisionin e Venecias.”
“ Nuk do të votohet, sepse një draft i tillë, në vend që t’i hapë rrugë hetimit të korrupsionit dhe krimit, mbyll dosjet e korrupsionit dhe bëhet mburojë për krimin.”
“ Sepse një variant i tillë dorëzon hetimin penal tek qeveria dhe është një model antieuropian, që nuk përputhet as me Kushtetutën e Shqipërisë..”
“…ne që sot jemi gati të votojmë draftin e rakorduar me partnerët amerikanë dhe sipas rekomandimit 90 të Venecias.”
