Avokatët e pronarit të Ora Neës, Ylli Ndroqi i kërkuan Gjykatës së Posaçme të heqë sekuestron mbi pasuritë e Ndroqit.
Më herët ata i janë drejtuar Prokurorisë së Posaçme për të rishikuar këtë masë të vendosur, por nuk kanë marrë përgjigje nga ajo.
Ata e cilësuan qëndrimin e SPAK si jokorrekt.
Prokuroria ka hetuar për 18 muaj pronarin e Ora Neës Ylli Ndroqin. Hetimet u kryen në bashkëpunim me policitë e vendeve të huaja “me qëllim sigurimin e provave për burimin e të ardhurave për përfitimin e pasurive”, njofton policia e shtetit, ditën e martë.
Gjithashtu, Policia njoftoi se “sekuestroi pasuritë e paluajtshme dhe të luajtshme në zotërim të shtetasit Ylli Ndroqi”, pas urdhërit të gjykatës.
Pasuritë e sekuestruara janë 11 kompani biznesi, 12 pasuri të paluatjshme, dhe 2 makina.
Kompanitë e sekuestruara po administrohen nga Agjencia e Administrimit të Pasurive të Sekuestruara e të Konfiskuara.
Shpërndaje te miqtë
