Të shtunën në darkë, shtatë punonjës të drejtorisë së doganave, ndër to dhe ish- Zëvendës Drejtoresha e Përgjithshme u arrestuan për shpërdorim detyre. Gjithashtu, i akuzuar është dhe administratori i kompanisë “Tea Construction & Petrol” Adrian Xhillari i shpallur në kërkim ndërkombëtarë në Maj të viti 2015.
Doganierët akuzohen se nuk kontrolluan lëvizjet e rreth 4. 4 milionë litra naftë të kompanisë në fjalë, nga depot në Mzez të Tiranës në rafinerinë e Ballshit.
Sipas prokurorisë së Fierit, sasia e naftës së papërpunuar, e cila nuk lejohej të dilte në treg, u shpërnda në pikat e karburantit.
Dëmi i shkaktuar shtetit nga mos pagimi i akcizës vlerësohet me mbi 2 milionë euro.
Persona e arrestuar janë:
- Lula Njebza - ish-zv/Drejtoreshë e Përgjithshme të Doganave;
- Mirarbër Teneqexhiu - ish- Kryetar i Doganës Tiranë,
- Alfred Bushi - ish- shefi i Akcizës
- Adrian Alikaj - doganier akcize
- Syrja Misiraj - doganier akcize
Në arrest shtëpie janë personat:
- Ortenca Zorba - doganiere akcize
- Elona Jareci - doganiere akcize
I shpallur në kërkim ndërkombëtar është:
- Adrian Xhillari - administrator i "Tea Construction & Petrol"
