Ambasadorja Kim thirrje qytetarëve të pajisen me karta identiteti

Ambasadorja e SHBA-ve, Yuri Kim i bëri thirrje qytetarëve shqiptarë të aplikojnë për kartat e identitetit në mënyrë që të votojnë në 25 prill. Përmes një postimi në Twitter, Kim shkruan se pajisja me karta identiteti është një nga pjesët thelbësore të Reformës Zgjedhore.

"Shumë urgjente që të gjithë qytetarët e Shqipërisë të marrin karta të reja të identitetit në mënyrë që të mund të marrin shërbime dhe të votojnë në zgjedhjet e 25 prillit. Lëshimi i letërnjoftimeve të reja biometrike është një pjesë thelbësore e marrëveshjes së 5 qershorit mbi reformën zgjedhore. Ju lutemi mos prisni derisa të jetë tepër vonë, merrni letërnjoftim të ri tani kështu që të mund të votoni më 25 prill"

Shpërndaje te miqtë