Ambasada e SHBA-ve përshëndet kandidatët që kaluan testin e aftësive fizike për në BKH

Ambasada e SHBA-ve përshendeti kandidatët të cilët përfunduan me sukses testimin e aftësive fizike për tu bërë pjesë e Byrosë Kombëtare të Hetimit (BKH). Në një postim në Facebook, ambasada shkruan se procesi ishte i vështirë por i domosdoshëm.

“Urime kandidatëve të cilët kaluan në raundin tjetër të procesit së përzgjedhjes për Byronë Kombëtare të Hetimit. Jo të gjithë ia dolën sepse procesi është i vështirë, por i domosdoshëm, për të gjetur më të mirët e Shqipërisë.”

BKH njoftoi se në testimin e aftësive fizike janë kualifikuar 103 kandidatë. Testi i Esesë do të zhvillohet në 26 tetor. Shpërndaje te miqtë