Skandali i përgjimeve, shtohet presioni i qeverisë ndaj sistemit të drejtësisë

Ministri Tahiri ka sulmuar sot, në mënyrë të papreçedentë gjykatësin Arjan Aliaj, i cili vebdosi, dje, pezullim nga detyra të Drejtorin e Përgjithshëm të Policisë Haki Çako, deri në peërfundim të hetimeve të prokurorisë lidhur me skandalin e përgjimeve. Gjatë një aktiviteti të organizuar nga Ministria e Brendëshme, Ministri Tahiri sulmoi jo vetëm gjykatësin, por dhe gjykatat e prokurorinë— kjo e fundit ka nisur sot dhe verifikimin e veprimeve dhe mosveprimeve të Ministrit Tahiri në lidhje me futjen në vend apo përdorimin e pajisjes së përgjimit. Jashtë shenjestrës së tij nuk mbeti as opozita. Më poshtë është një përmbledhje e komenteve te Ministrit Tahiri:

"Ky Aliaj është fytyra e vërtetë e gjyqtarëve që ne nuk pranojmë e nuk duam.

Ky është fytyra e korporatës së korruptuar dhe shërbëtorëve politikë, sepse detyrën e kanë dhuratë nga pushteti edhe në kurriz të përdhunimeve e vrasjeve.

Ky gjyqtar, ky Aliaj që liron vrasës e përdhunues, që është shkarkuar dhe rikthyer në detyrë për shkaqe proceduriale.

Ky Aliaj që ka liruar vrasës e përdhunues, sot u shërben porositësve politikë.

Aliaj është përfaqësuesi i frontit të së keqes që përfshin prokurorët e gjyqtarët e qelbur nga koka që mbrohen nga shqupistë të qelbur nga koka që nuk duan reformën në drejtësi. 

 A keni dëgjuar se çfarë thonë? Duan vende të rezervuara. Çfarë janë vendet e rezevuara? Janë bunkeri i sigurtë për të futur dhe për të mbrojtur gjyqtarë të tipit Aliaj në sistemin e drejtësisë. Vendi i rezervuar është vend parkimi për gjyqtarë të korruptuar.

Flasin për drejtësi të pakapur, por unë nuk di njeri që ta dijë sot sistemin e drejtësisë të pakapur. Është drejtësia e kapur sot? Sigurisht që është. E kapur peng

Beteja jonë është kundër frontit të së keqes të atyre në sitemin e drejtësisë, gjykata e prokurori edhe në politikë, që nuk e duan reformën e drejtësisë.

Ne këtë betejë do të fitojmë me çdo çmim e çdo kosto."

Shpërndaje te miqtë