Në mbledhjen e Kryesisë së Partisë Demokratike të dielën u vendos që zgjedhjet për kryetarin e ri të zhvillohen në 13 qershor.
Ndërkohë, kandidatët kanë një javë kohë, nga data 16-22 maj të paraqesin kërkesën për kandidim, dhe një tjetër javë që të zhvillojnë fushatë në të gjithë strukturat e partisë.
Propozimi është hedhur nga Sekretari i Përgjithshëm, Gazmend Bardhi, i cili ka thënë:
"Secili prej anetarëve të Kryesisë që ka shpallur ambicien, të ketë mundësinë ta shpjegojë vizionin tij në institucione, pa paragjykuar askënd, një garë të drejtë e të barabrartë, ku demokratët të gjykojnë lidershipin aktual."
Bardhi gjithashtu ka propozuar që në një mbledhje të veçantë të analizohet puna e gjithësecilit.
"Në këtë parti nuk ka asnjë njeri të padobishëm," shtoi ai.
