Ministri i Brendshëm Saimir Tahiri sulmoi dje Presidentin Nishani lidhur me deklaratat e këtij të fundit për "skandalin" e përgjimeve.
I ftuar në emisionin Top Story, ministri Tahiri deklaroi:
- Për të qenë i sinqertë, unë ndiej vetëm keqardhje për katandisjen e institucionit të Presidentit të Republikës. E dija që do të sillej si patericë e SHQUP-it, por nuk e dija që do të kthehej në lodër të asaj selie.
- Unë kam simpati për ata që merren me lodra, por jo kur ky është President i Republikës. Ai nuk do të gjejë lodër në Policinë e Shtetit.
- Merre me mend shembullim që jemi Presidenti, sepse s’ka besim te policia. Ky e drejton drejtësinë dhe s’ka besim. Presidenti thotë se po e përgjojnë në shtëpi, në zyrë apo ndaj familjarëve, por nuk e denoncoi. Ka merak se drejtësia është e pabesueshme.
- Për çfarë ke nevojë të përgjosh Presidentin e Republikës? Më gjeni një motiv se kujt i duhet ta bëjë diçka të tillë. Nuk them që e ka të shkruar në ballë, por ai e thotë vet që është lodër e Partisë Demokratike.
- Ky thërret protestuesit e lodrave të liqenit, grupet e interesit të çfarëdollojshme, por nuk thërret ministrin e Brendshëm. Me çfarë garancie del edhe thotë që ai e di se ka pajisje përgjimi në Policinë e Shtetit? Unë po të ekzistonte diçka e tillë duhej të ikja nga detyra, sepse është shkelje e jashtëzakonshme ligji.
Shpërndaje te miqtë
