Vjosa Osmani do të garojë me Lëvizjen Vetëvendosje në zgjedhje

Nënkryetarja e Kuvendit të Kosovës, Arbërie Nagavci deklaroi se Vjosa Osmani do të garojë në një listë me Lëvizjen Vetëvendosje. Në një intervistë për Euronews, Nagavci, e cila është dhe deputete e LVV, përjashtoi mundësinë për koalicion me partitë e tjera.

"Varet sesi do të shkojë në zgjedhje Osmani. Për aq sa ajo ka deklaruar dhe kemi parë deri më tani sigurisht që do të krijojë një listë zgjedhore dhe do të garojë bashkë me ne në listën e përbashkët.Nuk besoj se do të kemi koalicion. Jam e bindur që nuk do të kemi me ndonjë parti, të paktën prej këtyre partive që kanë qenë në qeverisje."

Nagavci shtoi se këto zgjedhje do të sjellin legjitimitet të institucioneve në Kosovë duke theksuar se LVV do të fitojë bindshëm zgjedhjet. Shpërndaje te miqtë