Kolegji i Posaçëm i Apelimit (KPA) shkarkoi sot nga detyra anëtarin prokurorin Adnan Kosova. Shkarkimi u arsyetua me probleme me pasurinë.
Tre anëtarë, Natasha Mulaj, Rezarta Schuetz dhe Ardian Hajdari, votuan pro shkarkimit, kurse anëtarët Ina Rama dhe Sokol Çomo votuan kundër.
Kosova u konfirmua nga Komisioni i Pavarur i Kualifikimit (KPK), por vendimi u ankimua nga Komisioneri Publik pas rekomandimit të Operacionit Ndërkombëtar të Monitorimit (ONM).
ONM arsyetoi se Kosova nuk dokumentonte dot marrjen e një shume kapari prej 1,5 milionë lekësh për shitjen e shtëpisë në vitin 1998.
