Tensione në sallën e vetingut, pas shkarkimit prokurori: Jam pa shtëpi e katandi

Komisioni i Pavarur i Kualifikimit shkarkoi nga detyra prokurorin e Beratit, Tasim Puci. Vendimi u dha të enjten nga trupa gjykuese e përbërë nga Olsi Komici, Suela Zhegu dhe Genta Tafa Bungo. Pas vendimit, prokurori ndoqi anëtarët e trupës duke u shprehur:

“Ku do më çoni tani? “Jam pa shtëpi e katandi,”

Menjëherë ndërhynë forcat e sigurisë të cilët ndaluan prokuorin për të kaluar nga salla e komisionerëve. KPK gjeti me probleme në të tre kriteret e rivlerësimit për prokurorin Puci. Gjatë seancës dëgjimore, ai  u pyet në lidhje me një kontratë noteriale në të cilën ai rezultonte pronar i një apartamenti, të cilin ia kalonte vjehrrit dhe disa shkëmbime financiare me këtë të fundit. Puçi pretendoi se nuk kishte asnjë pasuri dhe kërkoi konfirmimin në detyrë.