Partia Demokratike kërkoi sot hetimin e skandalit të përgjimeve nga Kuvendi.
Nënkryetari i Komisionit të Sigurisë, Flamur Noka dorëzoi në Kuvend, një kërkesë për ngritjen e një komisioni hetimor, i cili do të hetojë përdorimin e pajisjes përgjuese IMSI-Catcher nga policia.
Zoti Noka, në një deklaratë për shtyp, tha se përdorimi i kësaj paisje ka cënuar sigurinë kombëtare. Ai e vlerësoi si të nevojshëm ngritjen e këtij komisioni pasi Kryeministri Rama po ushtron presion ndaj sistemit të drejtësisë për ta mbyllur çështjen sa më parë.
Shpërndaje te miqtë
