Shqipëria do bëjë të detyrueshme mbajtjen e maskave në publik

Mbajtja e maskave mbrojtëse do të bëhet e detyrueshme në Shqipëri, në vende të mbyllura dhe ambiente të hapura me rrezikshmëri të lartë. Të gjithë ata qytetarë që nuk zbatojnë këtë masë do të penalizohen. Njoftimin e bëri ministrja e Shëndetësisë Ogerta Manastirliu gjatë një vizite në qendrën shëndetësore nr.8 në Tiranë:

“Kemi vendosur që maskat/barrierat mbrojtëse, ashtu siç i kemi përcaktuar të jenë të detyrueshme në transportin publik apo në aktivitetet me rrezikshmëri të lartë, tashmë do të jenë të detyrueshme për të gjithë individët për t’u përdorur në ambientet e mbyllura.

Të gjithë ata individë që nuk do ta përdorin barrierën mbrojtëse, sipas udhëzimeve të Ministrisë së Shëndetësisë, do të penalizohen.”

Shpërndaje te miqtë