Shqipëria dhuron 250 mijë euro Kroacisë pas tërmetit

Shqiperia do të dhurojë 250 mijë euro Kroacisë pas tërmetit të 29 dhjetorit. Lajmin e bëri të ditur kryeministri Rama nëpërmjet një postimi në Twitter, ku shkruan:

"Sapo firmosa një vendim qeverie për të dhuruar 250 mijë euro për Kroacinë për të ndihmuar për rilindjen e e Petrinjës pas tërmetit shkatërrues! Kroacia është shembulli i ringritjes dhe një model për ne në transformimin në një vend anëtar të BE-së!"

Me herët dhe Kosova shprehu gadishmërinë për të ndihmuar Kroacinë. Një tërmet i fortë, rreth 6,3 ballë, goditi Kroacinë qendrore, duke shkaktuar dhjetra të plagosur, 7 viktima dhe dëme të konsiderueshme në ndërtesat në Petrinja, një qytet në juglindje të Zagrebit. Tërmeti u ndje në të gjithë Kroacinë, si dhe në Serbi, Bosnjë dhe Hercegovinën fqinje dhe deri në Graz në jug të Austrisë. Disa ndërtesa u shembën në Petrinja, rreth 60 kilometra nga Zagrebi. Shpërndaje te miqtë