Së shpejti testimet për koronavirusin do të mund të bëhen dhe në laboratorët e Qendrës Spitalore Universitare Nënë Tereza.
Ministrja e Shëndetësisë Manastirliu deklaroi të mërkurën se po punohet për të hapur ‘një laborator të dytë në QSUT’.
Deri më tani fluksi i analizave për Covid-19 po përballohet vetem nga laboratori i Institutit të Shëndetit Publik.
Që prej 9 marsit, kur në vend u gjetën pacientët e parë me Covid-19, janë testuar 29744 persona të dyshuar, ose mesatarisht 250 teste në ditë.
Dita me më shumë testime brenda 24 orëve është 13 korriku, me 585 teste në 24 orë.
Shpërndaje te miqtë
