Rama: Nuk përjashtohen masat shtrënguese për Vitin e Ri

Kryeministri Edi Rama ka deklaruar se masat shtrënguese për Vitin e Ri nuk janë menduar deri më tani, por nuk përjashtohen si mundësi. Përmes një komunikimi live në Instagram Rama, tha se deri më tani gjendja është e ekuilibruar. ''Deri tani nëse shohim atë që është problemi themelor i kësaj sfide, aftësinë për të përballuar fluksin e njerëzve në nevojë në spital them se jemi në ekuilibër. Nëse shohim fatalitetet edhe pse një jetë e humbur është shumë, jemi në ekuilibër. Askush, askund nuk i di të gjitha, mësojmë hap pas hapi. Për momentin nuk kemi paraparë masa shtrënguese por nuk i përjashton masat shtrënguese”, deklaroi Rama. Duke iu përgjgijur pyetjeve për situatën e pandemisë, Rama tha se dimri do të jetë shumë i vështirë.

 “Besoj që do ta kalojmë dhe do ta kalojmë duke dalë jo të dërrmuar por sigurisht më të çliruar dhe më të fortë.”

Shpërndaje te miqtë