Rama kërkon zgjidhje për pallatin e papërfunduar në qendër të Vlorës

Kryeministri Rama ka kërkuar, të hënën, që të gjehet një zgjidhje për të integruar ose shembur pallatin shumëkatësh në qendër të Vlorës, që prej vitesh ka mbetur karabina e papërfunduar. Gjatë një vizite në Vlorë, Rama duke folur me kryebashkiakun Dritan Leli, u shpreh:

“Edhe këtë pallatin e keni planifikuar ta integroni, se nuk mund të rrijë ai aty si gogol komunist?”

Leli tha se ndërtesa do të integrohet, pa sqaruar se si. Rama vizitoi gjithë qendrën historike të Vlorës, duke biseduar me Lelin për projekte të ndryshme që mund të bëhen aty. Ai inspektoi dhe punimet në zonën e Lungomares dhe njoftoi nisjen e punimeve rrugore që do të lidhë Ujin e Ftohtë me Radhimën e Orikumin. Sipas kryeministrit, rruga do të ketë korsi për makinat, por dhe për biçikletat e për këmbësorët. Shpërndaje te miqtë