“Jam një politikan rastësor! Gjithmonë jam përmbushur nga jeta ime si artist, piktor dhe profesor i Arteve të Bukura, aq sa kurrë nuk kam pasur ambicie për të ushtruar profesionin e kryeministrit!”
Rama vazhdoi rrëfimin e tij duke theksuar se ka ‘hezituar për një kohë të gjatë’ për tu bërë pjesë e politikës, pavarësisht ofertave. Por ishte ideja për tu ndjerë i dobishëm për vendin e vet ajo që e shtyu t’i hynte politikës:“Unë hezitova për një kohë të gjatë para se të hyja në politikë kur më ofruan një post ministror. Më në fund, u nxita nga ideja e të ndjerit i dobishëm për vendin tim: Shqipëria kishte një të kaluar shumë të vështirë, më e vështira nga të gjitha vendet komuniste, kështu që unë isha i etur të merrja pjesë në rinovimin e saj, në marshimin drejt progresit dhe lirisë.”
Ai theksoi se citimi i presidentit francez Mitterrand për ”vetminë e udhëheqësit” është i vërtetë, pasi ata që janë në pushtet nuk kuptohen nga të tjerët. Rama tha se kur ishte kryebashkiak nuk haste kaq shumë kritika sa tani që është kryeministër:“Kur kam qenë kryetar i bashkisë së kryeqytetit Tiranë, nuk përballesha me të njëjtat përgjegjësi dhe të njëjtat kritika. si Kryeministër, unë jam më i ekspozuar ndaj jopopullaritetit sepse bëhet fjalë për fillimin e reformave strukturore në nivel kombëtar.
Do të huazoj një citim tjetër nga presidenti Mitterrand i cili ka folur, dhe me të drejtë, për ‘vetminë e udhëheqësit’.
Ishte e vërtetë dje, është e vërtetë edhe sot.”
Shpërndaje te miqtë
