Rakaçolli, mbyllja e vendit varet nga numri i rasteve, shtrimeve dhe vdekjeve

Mbyllja e vendit do të varet nga rastet, shtrimet, humbjet e jetës. Do të jenë shumë faktorë, u shpreh Zëvendësministrja e Shëndetësisë dhe e Mbrojtjes Sociale Mira Rakacolli, në një intervistë për Ilva Taren. Ajo tha se të dy spitalet Covid kanë ende vende të lira për të trajtuar pacientët:

“Nuk janë ezauruar. Të dy spitalet covid kanë akoma kapacitetet që të mbushen. Nuk janë ezuaruar as 50 % . Spitalit “Shefet Ndroqi” është kthyer ne covid, sëmundje të tjera pulomonare po trajtohen në QSUT, në një repart të dedikuar për këtë punë”.

Ajo tha se gjatë mbylljes së vendit qeveria përgatiti “spitalet Covid 3 dhe 4, me infrastrukturën dhe me personel mjekësor të trajnuar. E them me shumë përgjegjësi këtë. Të katër spitalet kanë 550 shtretër”.