Në fjalimin e tij të parë në Kuvend, Kryeministri Rama foli për "mësimet" e nxjerra nga mandati i parë dhe bëri një prezantim të programit qeverisës për mandatin e dytë.
Disa nga deklaratat kryesore të Kryeministrit Rama janë:
Mësimet e mandatit të parë:
- Jemi të vetëdijshëm për gabimet dhe defektet tona për katër vite ashtu siç jemi të vetëdijshëm për mandatin e dytë ku nuk ka kohë as arsye dhe as moral për të vazhduar në rrugën dhe avazin e vjetër.
- Dekriminalizimi dhe kanabisi problematika reale por që u frynë pa masë.
- Kemi gjykuar gabim kur çdo sulm e kemi skualifikuar pa e analizuar arsyen burimore.
- Nëse sot ne jemi në një ofensivë totale dhe rezultate të paimagjinueshme të kanabisit, e kotë të mohohet se opozita pati kontributin e saj.
- Sot po flitet paturpësisht në disa kryeqytete të huaja për krim etnik shqiptar dhe për këtë nuk ka diskutim që duhet të jemi bashkë.
- 25 qershori provoi edhe një herë këtë herë edhe më qartë se në Shqipëri nuk fiton kush i fryn më shumë zjarrit të konfliktit, shan dhe bllofon më shumë me kartat e veta.
Premtime për mandatin e dytë:
- Ne do të synojmë të jemi fora e shembullit dhe jo shembulli i forcës. Ne hyjmë më gjithë vullnetin e mirë për ta bërë Shqipërinë të ndryshojë duke nisur nga vetja ndryshimin e domosdoshëm.
- Do të bëjmë çmos që fituesit e këtyre zgjedhjeve të jenë ata që nuk kanë moshën për të votuar. Kjo shumicë qeverisëse të vendosë interesin e fëmijëve në politikbërjen qeverisëse, dhe reforma që bëjnë shtet në emër të fëmijëve.
- Qeveria shqiptare angazhohet për uljen graduale të borxhit public në rreth 60 përqind të Produktit të Brendshëm BRuto deri në fund të mandatit.
- Investimet publike të financuara nga buxheti i shtetit do të jenë rreth 5 për qind e PBB-së.
- Me paketën “1 miliard” do të injektojmë më shumë se 100 miliardë lekë në ekonomi, nëpërmjet angazhimit të kapitaleve private në një numër të madh projektesh investuese.
- Do rrisim vlerën financiare të çekut të bebes që nga buxheti i ardhshëm.
- Do të rrisim sërish pagat e mësuesve.
Për marrëdhëniet Shqipëri-Kosovë:
- I uroj kryeministrit Haradinaj urtësi, fuqi dhe shëndet në të mirë të ksovës. Uroj që të biem dakord për kthimin e kufirit tokësor mes dy shteteve në një kufi euriopin pa radha kilometrike dhe kontrolle të tepërta policore, mundësisht qysh prej 1 janarit 2018.
- Uroj që bashkimin doganor të Shqipërisë me Kosovën ta bëjmë fakt të kryer një orë e më parë duke i kthyer doganat në portin e Shqipërisë në dogana dhe të Kososvës. Projekti është gati, i dakordësuar mes dy palëve. Miratimi nga ana jonë është gati, presim vetëm miratimin e qeverisë së Kosovës.
Për marrëdhëniet me Greqinë:
- Do i zgjidhim problemet e mbartura me të vetmin fqinj që kemi probleme të mbartura. Mesazhi im është i thjeshtë dhe i qartë: Duam miqësi reciproke, respekt të ndërsjelltë dhe bashkëpunim strategjik.
- Çdo grek që jeton në Shqipëri është anëtar me liri e të drjejtat të barabarta të familjes tonë. Dhe minoriteti grek është një urë lidhëse mes dy vendeve tanë.
- Shprehem besimplotë se koha që kemi përpara do të ndihmojë të zgjidhim e çështjeve të lëna pezull me dialog me këmbë në tokë dhe jo me deklarata flutaraka.
- Por Shqipëria pavarësisht halleve dhe nevojave të saj s’do mbyllë asnjëherë as sytë as gojën në mbrojtje të të vërtetave dhe të drejtave të veta.
Shpërndaje te miqtë
