Kjo mënyrë gjithëpërfshirëse dhe transparente duhet të jetë një normë për ndërmarrjen e akteve të rëndësishme kombëtare.
Të gjitha palët duhet të marrin pjesë në mirëbesim; të shpjegojnë pozicionet e tyre qartë dhe plotësisht njëri-tjetrit dhe popullit shqiptar; dhe të kërkojnë një zgjidhje që është në të mirën e të gjithë popullit shqiptar dhe vazhdon ta çojë vendin përpara në rrugën e tij demokratike.
Ambasadori i BE-së Luigi Soreca:Ne nxisim të gjitha palët të vazhdojnë diskutimet në Këshillin Politik me të njëjtën frymë gjithëpërfshirëse dhe bashkëpunuese demonstruar gjatë miratimit të marrëveshjes politike të 5 qershorit.
Ambasadori i Mbretërisë së Bashkuar Duncan Norman.Diskutimi i mëtutjeshëm i reformave duhet të jetë vërtet përfshirëse me pjesëmarrjen aktive të të gjitha palëve.
Eurokomisioneri për Zhvillim Oliver Varhelyi:Për çdo ndryshim shtesë, unë u bëj thirrje të gjitha palëve të vazhdojnë diskutimet, në mënyrë që fryma dhe rezultatet e marrëveshjes së 5 qershorit të mos shmangen.
Ambasadori i Gjermanisë Peter Zingraf:U bëj thirrje të gjithë aktorëve që në zbatim të marrëveshjes, por edhe në ndërmarrjen e të gjitha hapave të tjera, të vijojnë më tej me dialogun dhe gjithëpërfshirjen.
Prania e OSBE-së në Tiranë:Ne mbetemi të gatshëm ti ndihmojmë autoritetet shqiptare në këtë rrugë, si deh për zhvillimin e hapave të tjerë të reformës. U bëjmë thirrje të gjitha palëve të vazhdojnë dialogun për reformat e mëtejshme.
Zëdhënësja e për Zgjerimin në BE Ana Pisonero:Ne i bëjmë thirrje të gjitha palëve të vazhdojnë diskutimin në Këshillin Politik me të njëjtën frymë bashkëpunuese dhe përfshirëse të treguar për miratimin e marrëveshjes së 5 qershorit.
Shpërndaje te miqtë
