Shqipëria renditet e katërta në botë për emigrimin e personave më aftësi të larta në punë, sipas raportit të Organizatës për Bashkëpunim Ekonomik dhe Zhvillim (OECD).
Raporti bën fjalë për vitet 2000/2001 deri në 2015/2016.
Sipas raportit, gjatë kësaj periudhe rritja e normës së emigrimit të personave me aftësi të larta në Shqipëri është 14.6 pikë, pas Liberisë me 27.9 dhe Butanit me 15.4.
Pas Shqipërisë renditet Rumania, me rritje 11.8.
Raporti i OECD nxjerr në pah se Shqipëria renditet edhe ndër 10 vendet e para në botë për normën e emigracionit të personave me aftësi të larta.
Në Europë, vendet e Ballkanit janë ndër burimet më të mëdha të emigrantëve, sipas raportit.
Shqipëria ka një normë totale emigrimi prej 29%, Bosnjë dhe Hercegovina prej 20% dhe Maqedonia e Veriut prej 18%.
Raporti ka sjellë reagime në Shqipëri nga ana e politikanëve.
Përmes një postimi në Twitter, Rama tha se raporti është me të dhënat e 5-6 viteve më parë.
Presidenti Ilir Meta komentoi rezultatet e raportit dhe tha se 25 prilli është mundësi për të rikthyer standardin e jetesës në vend.
Shpërndaje te miqtë
