Ndërron jetë punëtori 45 vjeçar pasi ra në kontakt me rrymën elektrike

Një 45 vjeçar humbi jetën të shtunën, pasi ra në kontakt më rrymën elektrike, teksa po punonte në një pallat që po ndërtohet në Tiranë.

Ngjarja ka ndodhur tek “Kongresi i Manastirit”.

Policia njoftoi se grupoi hetimor shkoi në vendngjarje për të zbardhur çështjen. Materialet iu dërguan Prokurorisë së Rrethit Gjyqësor Tiranë, për veprime të mëtejshme, njoftoi Policia.

“Informacion paraprak : Me datë 19.12.2020, rreth orës 14:30, në rrugën “Kongresi i Manastirit”, dyshohet se duke punuar në një pallat në ndërtim, ka rënë në kontakt me rrymën elektrike shtetasi Sh.H., rreth moshës 45 vjeç, i cili për pasojë ka ndërruar jetë. Grupi hetimor dhe shërbimet e Policisë ndodhen në vendngjarje dhe vijon puna për sqarimin e rrethanave të ngjarjes”, thuhet në njoftim.