Ministrja e Punëve të Jashtme dhe Diasporës së Kosovës, Meliza Haradinaj-Stublla ka biseduar të enjten me homologun e saj izraelit, Gabriel Ashkenazi. Në një postim në Facebook, ajo e quajti një bisedë historike në marrëdhëniet Kosovë-Izrael.
“Së bashku ramë dakord për të zyrtarizuar marrëdhëniet diplomatike midis Kosovës dhe Izraelit në Jeruzalem sa më shpejt të jetë e mundur, dhe vendosëm të shkojmë përpara menjëherë me një grup të përbashkët pune për të materializuar këtë arritje”, shkroi Haradinaj-Stublla.
Të njëjtin qendrim shprehu edhe homologu i saj në Izrael. Në një postim në Facebook ai shkroi se Kosova do të dërgojë një delegacion në Izrael për të vënë në lëvizje procesin e vendosjes së marrëdhënieve diplomatike.
