Presidenti Ilir Meta ka uruar 108 vjetorin e krijimit të Forcave të Armatosura të Republikës së Shqipërisë.
Në një postim në Facebook, të premten Meta uroi në mënyrë të veçantë Njësinë Mjekësore Ushtarake, “për vigjilencën, gatishmërinë e përkushtimin në krye të detyrës, në Spitalin e Traumës dhe në çdo repart e strukturë të FA”.
Ai i bëri thirrje të gjithë qytetarëve të bashkëpunojnë për të mposhtuar koronavirusin:
“Koha shtron si domosdoshmëri një solidaritet mbarëkombëtar, bashkëpunim dhe gjithëpërfshirje, për të mposhtur këtë armik të përbashkët, që kërcënon çdo ditë shëndetin dhe jetën e qytetarëve”.
Presidenti i shprehu ngushëllimet e tij të gjithë “familjarëve të ushtarakëve, të cilët kanë humbur të dashurit e tyre nga COVID-19, si dhe ju uroj shërim të shpejtë të prekurve nga ky virus”.
