Presidenti Ilir Meta u ka kërkuar ambasadorëve të vendeve të BE në Tiranë, ambasadorit Soreca dhe ambasadores së SHBA, Yuri Kim të vendosin vëzhgues ndërkombëtarë për procesin e votimit në Durrës, Elbasan dhe Vlorë.
Këtë kërkesë, kreu i shtetit iu a ka bërë ambasadorëve gjatë një takimi ku ai i ka falenderuar ata për angazhimin dhe interesin e tyre që zgjedhjet e 25 prillit të jenë sa më të ndershme.
Meta i ka vënë gjithashtu në duke ambasadorëve se ka një rritje të numrit të rasteve të denoncuara nga qytetarët dhe partitë politike për parregullsitë e konstatuara gjatë kësaj fushate, krahasuar me zgjedhjet e kaluara.
Presidenti ka kërkuar vëzhgues ndërkombëtarë në Durrës, Elbasan dhe Vlorë pasi sipas tij në këto qarqe ka një situatë të trysnuar nga krimi i organizuar.
Meta kërkoi gjithashtu sjellje profesionale nga ana e Policisë së Shtetit dhe institucioneve gjyqësore në mënyrë që procesi zgjedhor të jetë sa më i pacënuar.
Kreu i Shtetit është shprehur se ka besim se e diela do të jetë një ditë feste për të gjithë shqiptarët.
