Kuvendi miraton ndryshimet për betimin e anëtarëve të Gjykatës së Lartë, i heq kompetencat Presidentit

Gjyqtarët e Gjykatës së Lartë do të betohen para Këshillit të Lartë Gjyqësor. Kuvendi miratoi të enjten ndryshimet në ligjin për statusin e magjstrantëve, me anë të të cilave ka ndryshuar insitituconin para së cili bëhej betimi. Neni 61 i ligjit të mëparshëm parashikonte se anëtarët e GJL betoheshin para Presidentit, ndërsa me ndryshimet e miratuara ata do të betohen para KLGJ-së. Ndryshimet parashikojnë gjithashtu se nëse anëtari i GJL nuk  thirret për tu betuar, ai mund ta dërgojë betimin me shkrim pranë KLGj-së. I njëjti parashikim vlen dhe për Prokurorin e Përgjithshëm.  Neni 61 pika 2/1 parashikon:

“Nëse Prokurori i Përgjithshëm nuk është thirrur për të bërë hetimin, pas përfundimit të këtij afati, ai kryen betimin në formë të shkruar dhe ia dërgon atë Kuvendit dhe Keshillit të Lartë të Prokurorisë. “

Mandati i anëtarit të GJL dhe PP fillon nga dita e betimit ose nga dita kur ka dërguar letrën pranë institucioneve përkatëse. Presidenti Meta i konsideroi këto ndryshime si  nje vendim tinzar dhe nje partiak nga ana e Kuvendit. Shpërndaje te miqtë