Kosovë, LDK dy kushte Kurtit për të shmangur rënien e qeverisë

Isa Mustafa, kryetar i LDK-së, partisë në koalicion me Vetëvendosjen, i ka vënë kryeministrit Albin Kurti dy kërkesa për të shmanguar mocionin e mosbesimit ndaj tij. Zoti Mustafa kërkon që Albin Kurti sot:

 - Të tërheqë shkarkimin e Agim Veliut si ministër i Brendshëm;

 - Të heqë menjëherë tarifat ndaj Serbisë, siç ka kërkuar dhe SHBA-ja.

Dy ditë më parë, kryeminisri Albin Kurti shkarkoi nga detyra e ministrit të Brendshëm Agim Veliun, njëkohësisht dhe nënkryetar i LDK-së, për shkak të mospajtimit me qendrimin e qeverisë Kurti se shpallja e gjendjes së jashtëzakonshme në Kosovë është masë ekstreme. Menjëherë pas këtij vendimi, LDK njoftoi se ky vendim është marrë pa u konsultuar më parë me drejtuesit e LDK-së si pjesë e koalicionit, ndaj nuk e pranojnë këtë vendim. LDK njoftoi se do të nisë mbledhjen e firmave të deputetëve për të bërë mocion mosbesimi ndaj kryeministrit Kurti.