Kryetari i PD Lulzim Basha i kërkoi Organizatës Botërore të Shëndetësisë të ndihmojë mjekët shqiptarë, me masa mbrojtëse dhe paisje testuese për qytetarët.
Në letrën dërguar OBSH, Basha thekson se paisja e mjekëve me mjete mbrojtëse dhe krijimi ambjenteve të reja për të trajtuar COVID-19, është mënyra e vetme për të mbrojtur stafin mjekësor dhe pacientët që kanë nevojë për trajtim.
Ai kërkoi gjithashtu garantimin e mjeteve testuese, në mënyrë që të identifikohen të infektuarit dhe të kufizohet përhapja e koronavirusit.
