Kosova regjistron 14 viktima dhe 520 raste të reja

Kosova regjistroi të premten 14 viktima nga Covid-19 dhe 520 raste të reja. Rastet e viktimat janë në këto qytete: Gjilan 4 raste (72, 71, 67, 66 vjeç), Obiliq 3 raste (83, 76, 74 vjeç), Prishtinë 2 raste (88, 55 vjeç), Ferizaj 1 rast (71 vjeç), Gjakovë 1 rast (66 vjeç), Podujevë 1 rast (74 vjeç), Suharekë 1 rast (79 vjeç), Viti 1 rast (84 vjeç).

Instituti Kombëtar i Shëndetit Publik njoftoi se gjatë kësaj periudhe janë shëruar 646 pacientë me COVID-19.

 Numri i të shëruarve që nga fillimi i pandemisë është 85 842. Numri i të infektuarve deri më tani është 100 655, ndërsa i viktimave 2 053.