Kina ka gjobitur me 2,75 miliardë dollarë kompaninë Alibaba, sipas Reuters. Alibaba u akuzua për shkelje të rregullave kundër monopolit. Hetimi i qeverisë kineze gjeti se Alibaba ka abuzuar me çmimet për shkak të dominancës në treg.
Gjoba është sa 4 përqind e të ardhurave vjetore të kompanisë.
Hetimi kundër kompanisë nisi pasi pronari i saj kritikoi hapur ligjin e qeverisë për rregullimin e tregtisë në rrjet.
Kjo, sipas Reuters, është gjoba më e lartë e vendosur ndonjëherë kundër një kompanie për shkelje të ligjit kundër monopolit.
