Rumania synon të prodhojë vetë të paktën një prej vaksinave anti-Covid që Bashkimi Europian ka miratuar për përdorim.
Kryeministri rumun Florian Citu ka deklaruar se është pyetur nga Komisioni Europian nëse vendi ka kapacitetet e nevojshme prodhuese.
Citu tha të shtunën se qeveria rumune i ishte përgjigjur pozitivisht kërkesës së Komisionit Evropian dhe se tashmë po përfundohen formalitetet.
Prodhimi i vaksinës mund të bëhet në institutin kërkimor Catacuzino në Bukuresht.
Lloji i vaksinës që do të prodhohet nuk është vendosur ende.
Deri më tani BE ka miratuar përdorimin e vaksinave të Pfizerit, AstraZenecas dhe Modernas.
Shpërndaje te miqtë
