Ministrja e Drejtësisë, Etilda Gjonaj e ka cilësuar si provë të funksionimit të sistemit të drejtësisë, shkarkimin e gjyqtarit Markelian Kuqo nga KLGJ.
Të enjten Gjonaj ka inkurajuar Inspektorin e Lartë të Drejtësisë të vijojë me hetimin e çështjeve të ngjashme si e Kuqos.
“Një tjetër provë se sistemi i ri i drejtësisë funksionon, që nga kërkesa për hetim disiplinor për gjyqtarin nga Ministri i Drejtësisë dhe deri në vendimin unanim të KLGJ-së”, ka pohuar Gjonaj në Facebook.
Këshilli i Lartë Gjyqësor shkarkoi të enjten nga detyra gjyqtarit Markelian Kuqo.
Kërkesa për shkarkim erdhi nga Inspektori i Lartë i Drejtësisë, Artur Metani, i cili argumentoi se vendimi i Kuqo për lirimin e Gerd Gjeneralit cenon figurën e gjyqtarit.
Shpërndaje te miqtë
