Franca raportoi të martën 854 vdekje nga koronavirusi. Këto shifra nuk ishin raportuar që prej 15 prillit. Ndërsa numri i të shtruarve në spitale shkoi më shumë se 1000 persona, për të pestën ditë radhazi.
Numri i të infektuarve u ul në krahasim me ditën e hënë, nga 52, 518 arriti në 36, 330 persona.
Franca vendosi karantinë një mujore ditën e premte për të ndaluar përhapjen e virusit. Por sipas ekspertëve duhet të paktën dy javë që masa të japë efekt.
Në total, Franca ka regjistruar 1,502,763, të infektuar, vendi i pestë në botë. Dhe 38,289 vdekje nga Covid-19, duke u renditur e shtata në botë.
