Edi Paloka: Procesi ka ngjallur pakënaqësi te anëtarësia e PD

Nënkryetari i Partisë Demokratike, Edi Paloka deklaroi se procesi i votimit ka krijuar pakënaqësi tek anëtarësia. Në një komunikim për gazetarët, Paloka u shpreh se demokratët duhet të bëhen bashkë pasi e keqja më e madhe është Edi Rama.

“Çdo garë, për të qenë të sinqertë, krijon edhe një lloj pakënaqësie, krijon probleme është e vërtetë. Jemi koshient ne, ata që përfaqësojnë PD në këtë proces dhe çdo anëtar i PD që e keqja e këtij vendi është Rama dhe ai duhet larguar një orë e më parë.”

Anëtarët e PD kanë nisur procesin e votimit në disa qytete për të zgjedhur kandidatët për deputetë. Procesi që ato po zhvillojnë është i komplikuar pasi anëtarët duhet të votojnë për kandidatët që duan të përjashtojnë nga gara. Kjo shpesh herë ka krijuar konfuzion te anëtarët.   Shpërndaje te miqtë