Drejtoresha e Komisionit për Prokurimin Publik, Evis Shurdha ka dhënë dorëheqjen një vit përpara përfundimit të mandatit të saj.
Kryeministria ka hapur garën për zëvendësimin e saj në këtë detyrë.
Të interesuarit duhet të dorëzojnë dokumentat e nevojshme brënda datës 26 qershor (dy ditë pas shpalljes së vakancës).
Shurdha u emërua në krye të Komisionit të Prokurimit Publik në vitin 2016 për një mandate 5 vjeçar.
Ajo ishte në krye të këtij institucioni në kohën e zbulimit të skandalit me kompaninë fantazmë “DH Albania” e cila fitoi tenderin për Unazën e Madhe me dokumenta të fallsifikuar, si dhe tenderit të dhënë për rrugën Kardhiq – Delvinë.
Komisioni i Prokurimit Publik ka për detyrë sigurimin ligjor në proceset ku kompanitë garojnë për të fituar një punë që do të paguhet me paratë e taksapaguesve shqiptarë.
Shpërndaje te miqtë
