Boci sqaron incidentin me Gjergj Lucën në Elbasan

Luciano Boci, kandidati i PD-së për deputet në Elbasan akuzoi biznesmenin Gjergj luca se ka manipuluar videon e transmetuar në media. “Videos së transmetuar i mungon momenti i parë, kryesor, agresioni verbal dhe fizik i Gjergj Lucës kundër deputetit Luciano Boçi. Ky moment është manipuluar të vërtetën dhe të vërtetat e ngjarjes”, u shpreh Boci në një deklaratë për median, të premten. Ai tregoi se i ka kërkuan Inspektoriatit të Lartë të Drejtësisë (ILD) të hetojë nëse prokuroria e Elbasanit i ka nxjerr këto prova:

“Ftoj inspektorin e Lartë të Dretësisë Artur Metani, të verifikojë nëse Prokuroria e Elbasanit e ka administruar si provë videon e plotë të ngjarjes, dhe të hetojë për mënyrën e përdorimit publik të këtyre provave”.

Boci gjithashtu mohoi akuzën e Lucës se i ka marër telefonin duke u shprehur se: “Gjergj Lluca ka prodhuar alibinë qesharake të vjedhjes së telefonit për të mbuluar krimin e tij”. Të enjten, në një lokal në Labinot të Elbasanit, Luciano boci dhe Gjergj Luca u përplasën me njëri-tjetrin. Më pas të dy ju drejtuan prokurorisë për padi.