Berisha do të vazhdojë betejën si deputet

Në një intervistë me Çim Pekën, në Syri TV, Sali Berisha la të nënkuptohet se do të kandidojë përsëri për deputet. Berisha tha se karriera e tij politike u mbyll në 2013 kur dha dorëheqjen nga Kryeministër. Ai pohoi se nuk qendron deputet për karrierë por për betejë:

“Për karrierë, Berisha i ka dhënë fund më 26 qershor 2013. Të mendosh që një njeri që ka pasur disa funksione, qëndron deputet për karrierë, është e pamendueshme. Beteja do të vazhdojë deri në arritjen e qëllimeve të PD”.

I pyetur nëse do të vazhdojë betejën në Kuvend si deputet, Berisha tha:

“Do të vazhdoj betejën. Do të shoh situatën dhe rrethanat. Nga beteja nuk tërhiqem kurrë”.