Kreu i PD Lulzim Basha mbështet vendimin e qeverisë së Kosovës për masa reciproke ndaj Serbisë për qarkullimin e automjeteve dhe dënon qëndrimin e Beogradit i cili ka kërcënuar me masa ekonomike dhe politike.
Në një reagim në Twitter Basha shkruan se Kosova është në të drejtën e saj si shtet sovran për vendimin e marrë.
“Kosova është shtet i pavarur dhe marrëdhëniet mes dy shtetesh sovrane funksionojnë mbi baza reciprociteti”.
Sipas Bashës, qëndrimi i mbajtur nga presidenti Vuçiç tregon se ai nuk ka vullnet bashkëpunimi për rajonin siç zotohen nën nismën Ballkani i Hapur.
Ndryshe nga kreu i opozitës, kryeministri Rama reagoi më herët për situatën e krijuar duke i propozuar palëve të dialogojnë për të zgjidhur problemin.
Rama thekson se Kosova ka të drejtë, por duhet të shmangë ngrirjen e konfliktit.
Ndërkohë, më herët të martën presidenti serb Vuçiç njoftoi se kishte refuzuar një kompromis të propozuar nga BE-ja, duke kërkuar tërheqjen e Kosovës nga komunat me shumicë serbe në veri.
