Basha do vendosë taksën e sheshtë prej 9% kur të vijë në pushtet

Qeveria e drejtuar nga Lulzim Basha do të heqë sistem progresiv të taksave dhe do të vendosë taksën e sheshtë prej 9 për qindësh. Gjatë një takimin me përfaqësues të Konfederatës së Indrustrive në Shqipëri, kreu i PD-së Lulzim Basha i premtoi atyre mbështetje dhe reforma të qarta, konkrete dhe të realizueshme që do të nxisin zhvillimin ekonomik. Në një postim në Facebook, Basha shkroi:

“Ulja e taksave, thithja e investimeve të huaja, bashkëpunimi me biznesin, i cili në filozofinë tonë konsiderohet si punëdhënës dhe jo thjesht si taksapagues do të jenë prioritet.

Respektimi i sigurisë juridike e gërshetuar me politika të qëndrueshme fiskale dhe rregullatore do të jenë boshti kryesor i platformës tonë. Implementimi i taksës së sheshtë 9%, eleminimi i lejeve, licencave dhe autorizimeve do të jenë faktorë vendimtar në parandalimin e konkurrencës së pandershme në treg.

Reformat tona do të jenë të qarta, konkrete dhe të realizueshme.”

Shpërndaje te miqtë