Qeveria zbardhi sot 8 zona të tjera ku është vendosur të ndërhyet sipas planit të rindërtimit nga pasojat e tërmetit të 26 nëntorit 2019.
Në Fletoren Zyrtare u botuan hartat e: 2 zonave në Durrës; 1 zone në Golem; 2 në Lezhë dhe 1 në Vorë. Me publikimet e sotme, shkon në 22 numri i zonave të zbardhura, pasi 15 ishin publikuar më parë.
Sipas deklaratave të mëparshme të Kryeministrit Rama, numri total i zonave pritet të jetë të paktën 25. Siç Exit News ka analizuar, ajo që nisi si projekt për ndërtimin e “3 lagjeve të Rilindjes” po zgjerohet në 25 zona.
Zonat e rindërtimit – 9 prej të cilave në Tiranë –nuk kanë detaje për fatet e godinave të dëmtuara, që përfshijnë në to. Kjo ngre dyshim se programi i rindërtimit po shkon paralelisht me synimin për të hapur sa më tepër kantiere ndërtimi.
Ky synim fshihet në faktin se qeveria e bazon Programin e Rindërtimit në praktika “zhvillimi të detyruara” me plane dhe prishje të detyruara, për të cilin Exit News ka shkruar më parë. (Kliko këtu për të lexuar më shumë).
Shpërndaje te miqtë
