Vokshi denoncon vdekjen e një banori në kushte të varfërisë

Drejtuesja politike e njësisë 11, Albana Vokshi denoncoi të shtunën vdekjen e një banori të Laprakës, I cili ishte në varfëri ekstreme. Ajo pohoi se vetë, para pak ditësh ajo ishte në shtëpinë e tij ku denoncoi mungesën e kushteve bazë për të jetuar. Ai nuk merrte asnjë ndihmë nga shteti dhe jetonte në një banesë të rrënuar.

“Për fat të keq kjo ishte një kronikë e një vdekje të paralajmëruar. Askush nuk vuri dorë për të ndihmuar Flamur Zaçen. Këta që të qajnë ditën, po i vrasin ata me neglizhencë dhe me braktisje natën.”

Vokshi pohoi se vdekja e Flamur Zaçaj është këmbanë alarmi për sistemin anti-human që ka ngritur kryeministri Edi Rama.

“Humbjen e jetës së Flamurit në mjerim total unë do ta konsideroja si një akuzë të rëndë ndaj sistemit anti-human që ka ngritur Rama në këto 8 vjet, për të gjithë invalidët apo të gjithë personat në pamundësi, që i ka braktisur. “

Vokshi shtoi se këtij sistemi do t’i vijë fundi me 25 prill. Shpërndaje te miqtë