Presidenti i Autoritetit Palestinez, Mahmoud Abbas njoftoi të premten se zgjedhjet do të shtyhen.
Ai sqaroi se fraksionet kryesore politike kanë rënë dakord të shtyjnë mbajtjen e zgjedhjeve të planifikuara për 22 maj. Ishin zgjedhjet e para të planifikuara në 15 vjet.
Presidenti tha se arsye për shtyrjen e tyre është një mosmarrëveshje me Izraelin për votimin në Jerusalemin lindor.
Ky vendim shkon në favor të partisë së Fatah të Abbasit, pasi e mbron atë nga një humbje e thellë që pritej të pësonte nga grupi militant islamik Hamas.
Vendet perëndimorë, raporton AP, pritet ta mirëpresin me lehtësi këtë vendim, pasi e cilësojnë Hamasin si një grup terrorist dhe janë të shqetësuara për forcën në rritje të tij.
Por, vendimi për të shtyrë mbajtjen e zgjedhjeve lë në udhëheqje një strukturë politike që nuk ka arritur të përparojë shpresat palestineze për shtetësinë dhe shihet si gjithnjë e më e korruptuar dhe autoritare, raporton AP.
