Shtyhen vizat për shqiptarët që kanë mbetur në Britani për shkak të koronavirusit

Shqiptarët që kanë mbetur në Britaninë e Madhe për shkak të mbylljes së kufijve do të përfitojnë shtyrje të afateve të vizës. Ministria e Jashtme e Shqipërisë njoftoi se ata të cilët nuk kanë mundur të kthehen në Shqipëri për shkak të anulimit të fluturimeve, apo kufizimit të lëvizjeve, duhet të aplikojnë për shtytjen e vizës.

“Zgjatja e vizës do të zbatohet për secilin qytetar që viza i skadon pas 24 janarit dhe që nuk mund të largohet nga Mbretëria e Bashkuar për shkak të kufizimeve të udhëtimit ose të vetë-izolimit të tij.

Kjo situatë do të zgjasë deri më 31 maj, por do të mbahet nën rishikim në rast se do të nevojitet zgjatje e mëtejshme.”

Ministria fton qytetarët shqiptarë që ndodhen në Britani në të tilla rrethana që të njoftojnë për skadencën e vizës përmes postës elektronike në: [email protected].