Shqipëria ende e paprekur nga koronavirusi, 59 të testuar negativë

Shqipëria vazhdon të jetë ende e paprekur nga koronavirusi. Deri sot 59 persona të dyshuar janë testuar për koronavirus dhe asnjë prej tyre nuk ka rezultuar pozitiv. Këto të dhëna u bënë sot publike nga Ministria e Shëndetësisë, sipas së cilës personat e testuar janë nga Tirana, Shkodra, Durrësi, Vlora, Fieri dhe Lezha. Gjatë 24 orëve të fundit, 1391 persona kanë telefonuar në numrin e urgjencës pasi dyshonin se mund të kenë simptoma të koronavirusit, por specialistët kanë vlerësuar se vetëm 29 prej tyre kanë pasur probleme me frymëmarrjen dhe histori udhëtimi në ditët e fundit në Itali. Ministria e Shëndetësisë këshillon të gjithë qytetarët që kanë udhëtuar në vendet e prekura të vetëizolohen për 14 ditë. Personat që kanë udhëtuar në vendet e prekura dhe shfaq simptoma virusi duhet të telefonojë urgjencës në numrin e telefonit 127. Shqipëria dhe 4 shtete të tjera janë të vetmet shtete europiane ku ende nuk është identifikuar asnjë i prekur me koronavirus. Sipas të dhënave zyrtare, nga 51 shtete në Europë, vendet e paprekura janë:

1. Shqipëria;
2. Kosova;
3. Mali i Zi;
4. Qipro;
5. Turqia.

Për tu informuar më tepër rreth koronavirusit mund të lexoni:

– Kur duhet të shqetësohemi për koronavirusin (kliko këtu)

– 9 pyetjet më të shpeshta rreth koronavirusit (kliko këtu)

– Masa më e efektshme për parandalimin e prekjes nga koronavirusi (kliko këtu)

– Koronavirusi – shtrirja dhe vdekjet e deritanishme (kliko këtu)