Presidenti i ekipit të futbollit dhe drejtori teknik i Kastriotit janë arrestuar nga policia pas tensioneve që kanë shkaktuar në stadiumin “Selman Stërmasi” ditën e premte gjatë ndejshjes kundër Tiranës.
Ata akuzohen për kundërshtim të punonjësve të policisë si edhe për “veprime të dhunshme në aktivitete sportive” të kryera në bashkëpunim.
Presidenti dhe drejtori teknik i Kastriotit kanë hyrë në fushën e lojës duke shkaktuar tension dhe ndërprerjen e ndeshjes për disa minuta dhe më pas kanë goditur dy punonjës policie për të shmangur shoqërimin e tyre, sipas policisë.
Tensionet në ndeshjen e të premtes mes Tiranës dhe Kastriotit nisën pas golit të kryeqytetasve. Pretendimet e krutanëve ishin se nuk ishte zhvilluar lojë e ndershme dhe për këtë zyrtarë të klubit zbritën në fushë duke sjellë edhe ndërprerjen e ndeshjes për disa minuta.
